<<Եղե՛ք հոգեպես առողջ>>

Հոկտեմբերի 10-ին Վանաձորի Պետական մանկավարժական ինստիտուտում նշվեց հոգեկան առողջության միջազգային օրը: Հոգեբանության և սոցիոլոգիայի ամբիոնը բուհի բակում կազմակերպել էր ֆլեշմոբ: Նախաձեռնության հեղինակն էր ամբիոնի դասախոս Աննա Գևորգյանը:  Ֆլեշմոբի ընթացքում  <<Մանկավարժություն և հոգեբանություն>> մասնագիտության ուսանողները կազմեցին հոգեբանության խորհրդանշանը: Միջոցառումը շարունակվեց բուհի հոգեբանության և սոցիոլոգիայի կաբինետում: Ուսանողները խոսեցին հոգեբանական կայունության մասին, մեկնաբանեցին <<հոգեբանական առողջություն>> եզրույթը: Ինչպես նշեց Աննա Գևորգյանը՝ մեր օրերում հոգեկան խանգարումներ ունեցող անձանց թիվը կապված է սոցիալ-տնտեսական անկայունության, արտակարգ իրավիճակների աճի հետ, ինչը նպաստում է դեպրեսիաների, սթրեսների ավելացմանը:

Իսկ ուսանողների կարծիքով   հոգեբանության գլխավոր խնդիրներից մեկը դժվար իրավիճակներում մարդկանց հոգեբանական աջակցության կազմակերպումն է, քանի որ ոճ բոլորն են կարողանում հաղթահարել նման իրավիճակները: