Երազանքից մինչև հիասթափություն

-Ուզում եմ դառնալ օդաչու, ես էլ`տիեզերագնաց, իսկ ես` նախագահ:

-Երբ մեծանամ դառնալու եմ երգչուհի, ես էլ` ուսուցչուհի կամ բժիշկ:

Բոլորս էլ կյանքում արել ենք  նման արտահայտություն կամ գոնե մեկ անգամ լսել ենք երեխաներից:

Ինչպե՞ս է մարդ ընտրում այս կամ այն մասնագիտությունը: Ոմանց  վրա ազդեցություն են ունենում ուսուցիչները`հետաքրքրություն առաջացնելով  առարկայի նկատմամբ, ոմանց մասնագիտությունները փոխանցվում են սերընդեսերունդ, ոմանք էլ մասնագիտություն ընտրում են ծնողների ցանկությամբ կամ պահանջով:

Կարելի է ասել, որ մասնագիտության ընտրության համար հիմք են հանդիասանում երազանքները:

-Մանկությանս երազանքն էր բժիշկ դառնալ: Ծնողներս նույնիսկ դեմ էին, բայց ես պայքարեցի ու հասա նպատակիս:- Մերի Մարանդյան, Երևանի պետական բժշկական համալսարան

-Վաղուց տարված էի ֆիլմերով: Այդ աշխարհը հիացնում էր ինձ, ասես` հեքիաթ լիներ. Որոշեցի դառնալ ռեժիսոր:- Մարգարիտա Մկրտչյան ԵԹԿՊԻ  ԳՄ, ռեժիսուրա

Տարիների ընթացքում երազանքները դառնում են նպատակ և գալիս է իրականություն դարձնելու ժամանակը:

Լինում են դեպքեր, երբ մի քանի տարի բուհերում սովորելուց  և ավարտական վկայական ստանալուց հետո պարզվում է, որ մասնագիտությունդ  պահանջարկ չունի կամ  դժվար է գտնել համապատասխան աշխատանք:

 Գուցե սրանք են պատճառները, որ մարդիկանց մոտ առաջանում է մասնագիտական հիասթափություն:

-Պետք է այնպիսի մասնագիտություն ընտրես, որ լինի ոչ թե ժամանակակից ու նորաձև, այլ` պահանջարկ ունեցող: Կարևոր է գտնել համապատասխան աշխատանք, որպեսզի սովորածդ տարիները իզուր չլինեն:- Լիլիթ Կոստանդյան  ՎՊՀ,  Լրագրություն 

Երբեմն հիասթափության պատճառ են դառնում բուհերի պայմանները, կրթություն ստանալու որակը և այլն:

-Հիմնականում առաջի կուրսում եմ հիասթափվել,նոր էր ամեն ինչ... ծանր էի տանում այն,որ իմ գիտելիքները ոչ ռեալ էին գնահատում.. բաց հիմա ամեն ինչ լավ է:- Անի Հովհաննիսյան ՎՊՀ, Կենսաբանություն

-Մասնագետները քիչ են, նպաստավոր պայմաններ չկան որակյալ կրթություն ստանալու համար:- Արսեն Մովսիսյան ԵԹԿՊԻ ՎՄ, ռեժիսուրա

-Դժվարություններ է  առաջացնում ծանրաբեռնված գրաֆիկը: Կուզենայի ավելի շատ լինեին գործնական պարապմունքները` ավելի հեշտ սովորելու և հասկանալու համար:- Մանե Խաչատրյան ՎՊՀ Անգլերեն լեզու և գրականություն

Երբ աշխատասիրության ու համառության շնորհիվ հասնում ես ցանկացածդ արդյունքին, ոչ ոք չի խրախուսում, որ առաջ շարժվես: Իսկ երբ ինչ որ բանում մի փոքր թերանում ես`արժանանում ես սուր քննադատության: Սա էլ պատճառ է դառնում, որ առաջանա հիասթափություն մասնագիտությանդ նկատմամաբ:- Մարգարիտա Մկրտչյան, ԵԹԿՊԻ  ԳՄ ռեժիսուրա